ترکیې روان کال ۲۱ زره کډوال ډیپورټ کړي دي

ترکیې روان کال ۲۱ زره کډوال ډیپورټ کړي دي

قاچاقبران د افغانستان-ایران یا افغانستان-پاکستان په پولو کې د اخیستل شوو انځورونو په خپرولو سره کډوالو ته دوکه ورکوي. که څه هم د کډوالو قاچاق وړونکي داسې طریقې کاروي چې د غیرقانوني کډوالۍ په وړاندې زموږ د هیواد په مبارزې سیوري غوړوي خو دا شمیرې بیا حقیقت بیانوي.

(2022 / 4 / 16 نېټه باغي ټلویزیون)

بشپړ راپور

د ترکیې کورنیو چارو وزارت ویلي‌ چې د روان کال له پیل راهیسې ۲۱ زره ۸۷ غیرقانوني کډوال چې نږدې نیمايي افغانان دي‌ ډیپورټ کړي‌ دي.

د وزارت له خوا په لخپور شوي بیان کې ویل شوي، چې د ډیپورټ شوو کسانو له ډلې ۹ زره ۶۵۴ یې له افغانستان، ۴ زره ۲۰۶ یې له پاکستان، ۷ زره ۲۲۷ یې د نورو هیوادونو وګړي بهرنیان دي . د روان کال د پیل راهیسې ډیپورټ شوي‌ ناقانونه کډوال په ۲۸ چارتر شوو الوتکو کې خپلو هیوادونو ته استول شوي‌ دي.

په اعلامیه کې ویل شوي چې د غیرقانوني کډوالۍ پر وړاندې مبارزه پرته د ځنډ نه دوام لري .

په بیان کې راغلي‌ دي‌ چې د کډوالو قاچاقبران د نوو مشتریانو د موندلو لپاره ټولنیزې رسنۍ کاروي. لیدل کیږي چې د کډوالو قاچاقبران چې ډیری وختونه د ټولنیزو رسنیو څخه کار اخلي ترڅو داسې انګیرنه خپره کړي‌ چې د ترکیې پولو نه په اسانۍ سره تیریږي.

زموږ په سرحدونو کې نیول شوي په لوړه کچه امنیتي تدبیرو ترڅنګ ، په ډیره اغیزمنه توګه د ناقانونه کډوالو نیول او بیرته خپلو هیوادونو ته ستنول د کډوالو د ډیپورت په برخه کې د اروپا اوسط څخه ډیر زیات بریالیتوب ترلاسه شوی دی.

د ترکیې د کډوالۍ د چارو ریاست او امنیتي ځواکونه د ناقانونه کډوالۍ پر خلاف مبارزې ته د اونۍ ۷ ورځې او ۲۴ ساعته پرټه د ځنډ نه دوام ورکوي. د هېواد د پولو امنیت په لوړه کچه د ساتلو سره ، زموږ هېواد ته د ناقانونه کډوالو د راننوتلو مخه نیول کیږي. هغه کسان چې زموږ هېواد ته په ناقانونه توګه ننوځي، زموږ د امنیتي ځواکونو له خوا نیول کېږي او شړل کېږي.

د دې سربیره ، د تمویلوونکو هیوادونو سره د غیرې قانوني‌ کډوالۍ د لاملونو د لمنځه وړو په برخه کې په ګډه کار کوو.