امریکا بیا ځلي پر ا.ا غږ کړی چې د نجونو ښوونځي بېرته پرانیزي 

امریکا بیا ځلي پر ا.ا غږ کړی چې د نجونو ښوونځي بېرته پرانیزي 

نوموړي زیاته کړې چې متحده ایالات له خپلو همکارانو سره په افغانستان کې د پوهنې او زده کړو ملاتړ ته دوام ورکوي او پر طا لبانو یې غږ کړی چې د نجونو پر مخ د ښوونځيو پرانیستلو په برخه کې ټول خنډونه لرې کړي او په دې برخه کې خپلې ژمنې عملي کړي.

(2022 / 4 / 16  نېټه باغي ټلویزیون)

بشپړ راپور 

د امریکا د بهرنیو چارو وزارت یو ځل بیا له ا.ا څخه غوښتي چې د نجونو پر مخ تر شپږم پورته ښوونځي پرانیزي.

د امریکا د بهرنیو چارو وزارت ویاند نیډ پرایس د یوې پوښتنې پر مهال ویلي چې د طا لبانو لخوا د نجونو د متوسطه او لیسې دورې د زده کړو ځنډولو په میلیونونو افغانان نا هیلي کړي دي.

د پرایس په وینا که چیرې د یو هیواد نیمايي نفوس له زده کړو څخه محروم شي، هغه هیواد په سیاسي او اقتصادي برخه کې پرمختګ نشي کولای.

نوموړي زیاته کړې چې متحده ایالات له خپلو همکارانو سره په افغانستان کې د پوهنې او زده کړو ملاتړ ته دوام ورکوي او پر طا لبانو یې غږ کړی چې د نجونو پر مخ د ښوونځيو پرانیستلو په برخه کې ټول خنډونه لرې کړي او په دې برخه کې خپلې ژمنې عملي کړي.