هلمند کې ۲۹ روغتیایي کلینیکونه جوړېږي
د دې ادارې د بشري چارو د همغږۍ رییس ډان مېنا وویل: «موږ په پام کې لرو چې د هلمند د عامې روغتیا ریاست او باران موسسې سره په ګډه د هلمند په بېلابېلو ولسوالیو کې ۲۹ کلینیکونه د مور او ماشوم د مړینې مخنیوي لپاره جوړ کړو.»
(2022 / 4 / 14 نېټه باغي ټلویزیون)
بشپړ راپور
د ملګرو ملتونو د UNFPA ادارې مسوولانو نن د هلمند والي سره په لېدنه کې وویل چې د دغه ولایت د عامې روغتیا ریاست په همغږۍ به د هلمند په بېلابېلو ولسوالیو کې د مور او ماشوم د مړینې مخنیوي په موخه ٢٩ کلينيکونه جوړ کړي.
د دې ادارې د بشري چارو د همغږۍ رییس ډان مېنا وویل: «موږ په پام کې لرو چې د هلمند د عامې روغتیا ریاست او باران موسسې سره په ګډه د هلمند په بېلابېلو ولسوالیو کې ۲۹ کلینیکونه د مور او ماشوم د مړینې مخنیوي لپاره جوړ کړو.»
دوی همداراز، ژمنه وکړه چې قابله ګانو د روزنې لپاره به یوه ودانۍ هم جوړه او پکې به قابله ګانو ته د دوه کلنو زدهکړو اسانتياوې هم برابرې شي.
په همدې حال کې د هلمند والي مولوي طالب د یادې ادارې مسوولانو ته په خطاب کې وویل چې د ټولو خیریه بنسټونو فعالیتونه اسلامي امارت ته د منلو او ستاينې وړ دي او هرکلی یې کوي.
Leave a Reply