تر دندې لرې کېدو وروسته؛ عمران خان خپله لومړنۍ احتجاجیه غونډه پېښور کې ترسره کوي
عمران خان دغه راز وایي چې په بېړنۍ توګه د ټاکنو د ترسره کولو غوښتونکي دي او خلکو ته دې اجازه ورکړي چې د شفافو او عادلانه ټاکنو له لارې خپل برخلیک وټاکي. عمران خان داسې مهال دغه څرګندونې کوي چې د نوموړي په ملاتړ د پاکستان په ګڼو ښارونو کې لاریونونه روان دي او د هغه د بېرته راګرځېدو غوښتنه کوي.
(2022 / 4 / 12 نېټه باغي ټلویزیون)
بشپړ راپور
عمران خان خپله لومړنۍ احتجاجیه غونډه په پېښور کې جوړوي.
د پاکستان لومړي وزیر عمران خان پر خپله ټوېټر پاڼه په خپاره کړي پیغام کې ویلي چې لومړنۍ غونډه به سبا چهارشنبه په پېښور کې جوړوي.
نوموړي له ټولو پاکستاني وګړو غوښتي چې په دې غونډه کې ګډون وکړي او په پاکستان کې دې د یوه مستقل او پیاوړي حکومت د جوړېدو لپاره مبارزه وکړي.
د ده په خبره پاکستان یوه پیاوړي او مستقل حکومت ته اړتیا لري، نه داسې حکومت ته چې د بهرنیانو په وسیله رامنځ ته شوی وي.
عمران خان دغه راز وایي چې په بېړنۍ توګه د ټاکنو د ترسره کولو غوښتونکي دي او خلکو ته دې اجازه ورکړي چې د شفافو او عادلانه ټاکنو له لارې خپل برخلیک وټاکي. عمران خان داسې مهال دغه څرګندونې کوي چې د نوموړي په ملاتړ د پاکستان په ګڼو ښارونو کې لاریونونه روان دي او د هغه د بېرته راګرځېدو غوښتنه کوي.
Leave a Reply