ملګرو ملتونو یو ځل بیا پر طالبانو غږ کړی چې ژر تر ژره د نجونو ښوونځي بېرته پرانیزي

ملګرو ملتونو یو ځل بیا پر طالبانو غږ کړی چې ژر تر ژره د نجونو ښوونځي بېرته پرانیزي

لاینز تر هغه وروسته دا اندېښنې له افغان لوري سره شریکې کړې چې کابل ته یې تر راتګ څو ورځې وړاندې له غربي هېوادونو سره افغانستان کې د زده کړو په تېره د نجونو د زده کړو پر وضعیت خبرې کړې وې.

(2022 / 4 / 11 نېټه باغي ټلویزیون)

بشپړ راپور

ملګرو ملتونو یو ځل بیا له افغان حکومت غوښتي چې د نجونو پر مخ د ښوونځیو دروازې پرانیزي.

په افغانستان کې د ملګرو ملتونو د مرستندویه دفتر مشرې دیبورا لاینز په وروستیو ورځو کې له ګڼو افغان چارواکو سره کتلي او د نړیوالې ټولنې اندېښنې یې ورسره شریکې کړې دي.

نوموړې پر افغان حکومت یو ځل بیا غږ کړی چې د ښوونځیو دروازې د نجونو پر مخ پرانیزي او پرېږدي چې دوی کار او زده کړو ته ادامه ورکړي.

یادو هېوادونو ټینګار کړی و، چې باید ښوونځي پرانیستل شي او دا یې هم ویلي وو، چې له دې وروسته یې له افغانستان سره هر ډول مرستې د نوي حکومت په چلند پورې تړلې دي.