د اوکراین ولسمشر ویلي چې روسیه د ټولې اروپا لاندې کول غواړي 

د اوکراین ولسمشر ویلي چې روسیه د ټولې اروپا لاندې کول غواړي 

د اوکراين ولسمشر ټینګار کړی چې د دغه هيواد په ختیځ کې د راغونډو شویو روسي ځواکونو پر وړاندې سختې جګړې ته چمتووالی لري، خو سره له دې هم د ملاتړو هيوادونو له لوري د تجهيزاتو د مرستو لاره څاري.

(2022 / 4 / 10  نېټه باغي ټلویزیون)

بشپړ راپور 

د اوکراین ولسمشر وايي، د روسیې بريد یوازې د دوی تر خاورې پورې محدود نه ‌دی، بلکې د مسکو موخه د ټولې اروپا لاندې کول دي.

ولادیمیر زلېنسکي په خپلې يوې تازه وینا کې پر لوېدیځو هيوادونو غږ کړی چې که د روسيې مخنيوی ونه کړي نو د جګړې اور به د دوی تر هيوادونو هم ورسيږي.

هغه غوښتنه کړې چې د روسیې د انرژۍ پر تولیداتو بشپړ بندیزونه له جګړې د مسکو په راګرځولو کې مرسته کولای شي.

د اوکراين ولسمشر ټینګار کړی چې د دغه هيواد په ختیځ کې د راغونډو شویو روسي ځواکونو پر وړاندې سختې جګړې ته چمتووالی لري، خو سره له دې هم د ملاتړو هيوادونو له لوري د تجهيزاتو د مرستو لاره څاري.