پۀ تاجکستان کې د دوو افغان قاچاق وړونکو نیول 

پۀ تاجکستان کې د دوو افغان قاچاق وړونکو نیول 

له دوی سره ۹۲ کيلو ګرامه نشه يي توکي چې ۷۹ کيلوګرامه هيرويين او پاتې چرس دي هم نيول شوي دي. پوليسو ويلي چې د نيول شويو کسانو لپاره يې د تاجکستان د جزا قانون د ۲۰۰ مې مادې د څلورمې فقرې د حکم پر بنسټ دوسيه پرانيستې ده.

(2022 / 4 / 7  نېټه باغي ټلویزیون)

بشپړ راپور 

د تاجکستان پوليسو دوه افغانان د نشه يي توکو د قاچاق په تور نيولي دي.

نيول شوي کسان د افغانستان د تخار ولايت اوسيدونکي ښودل شوي او د تاجکستان پوليسو ويلي چې ياد کسان د نشه يي توکو د قاچاق د يوه لوی بانډ غړي دي چې تازه يې د افغانستان – تاجکستان د پولې په اوږدو کې نيولي دي.

له دوی سره ۹۲ کيلو ګرامه نشه يي توکي چې ۷۹ کيلوګرامه هيرويين او پاتې چرس دي هم نيول شوي دي. پوليسو ويلي چې د نيول شويو کسانو لپاره يې د تاجکستان د جزا قانون د ۲۰۰ مې مادې د څلورمې فقرې د حکم پر بنسټ دوسيه پرانيستې ده.

د دې مادې له مخې د نشه يي توکو قاچاق کوونکو ته د شل کاله بند سزا په پام کې نيول شوې ده.