د ا.ا.ا لۀ ایران څخه غوښتي چې لۀ افغان کډوالو سره لۀ ناسم وضعت کولو لاس واخلي

د ا.ا.ا لۀ ایران څخه غوښتي چې لۀ افغان کډوالو سره لۀ ناسم وضعت کولو لاس واخلي

د افغان حکومت مرکزي ویاند ذبیح الله مجاهد په ایران کې له افغان کډوالو سره د ناوړه چلند په غبرګون کې ویلي، ایران د یوه ګاونډي هېواد په توګه باید له افغان کډوالو سره خپل چلند سم کړي او اجازه ورکړي چې په ازادانه توګه او په خپله خوښه خپل هېواد ته ستانه شي.

(2022 / 4 / 6 نېټه باغي ټلویزیون)

بشپړ راپور

افغان حکومت له ایران غوښتي چې له افغان کډوالو سره خپل چلند سم کړي.

دده په وینا افغان لوری له ديپلوماتیکو لارو غواړي د کډوالو اړوند مسایل له ایران سره حل کړي.

په وروستیو کې داسې راپورونه خپاره شوي چې ایران له افغان کډوالو سره ناوړه چلند ډېر کړی دی او هره ورځ زرګونه افغانان په زور له خپل هېواد وباسي. په ورته وخت کې د ایران د بهرنیو چارو وزیر بیا په یوه غونډه کې د خبرو پر مهال ویلي وو، چې دمګړی ایران د شاوخوا پنځه میلیونه افغان کډوالو کوربه دی.