ملګروملتونو خبر ورکړی چې افغانستان سره اوسنۍ بشري مرستې بسنه نکوي 

ملګروملتونو خبر ورکړی چې افغانستان سره اوسنۍ بشري مرستې بسنه نکوي 

د دۀ په وینا تر هغه چې نړیواله ټولنه د افغانانو د ژغورنې او اقتصادي ودې لپاره یو پیاوړی او پراخ پروګرام پیل نه کړي اوسنۍ بشري مرستې به پایله و نه لري او بسنه به هم و نه کړي. عبدالله وایي که نړیواله ټولنه په رښتیا غواړي چې په افغانستان کې بشري ننګونې کمې کړي نو د افغانانو د ژوند په ښه کولو کې باید رغنده رول ترسره کړي.

(2022 / 4 / 6  نېټه باغي ټلویزیون)

بشپړ راپور 

ملګري ملتونه وایي افغانستان کې اوسنۍ بشردوستانه مرستې بسنه نه کوي. په افغانستان کې د ملګرو ملتونو د پراختیايي پروګرام رییس عبدالله الدردادي ویلي افغانستان کې د خلکو د ژغورنې لپاره د دوی پر هوساینه لا ډېر کار ته اړتیا ده.

د دۀ په وینا تر هغه چې نړیواله ټولنه د افغانانو د ژغورنې او اقتصادي ودې لپاره یو پیاوړی او پراخ پروګرام پیل نه کړي اوسنۍ بشري مرستې به پایله و نه لري او بسنه به هم و نه کړي. عبدالله وایي که نړیواله ټولنه په رښتیا غواړي چې په افغانستان کې بشري ننګونې کمې کړي نو د افغانانو د ژوند په ښه کولو کې باید رغنده رول ترسره کړي.

ملګرو ملتونو تر دې وړاندې هم ویلي چې په افغانستان کې روان بشري وضعیت بوږنوونکی دی، راټولې شوې مرستې کفایت نه کوي او لا ډېرو مرستو ته شدیده اړتیا لیدل کېږي.