ټرمپ ویلي چې ممکن يو ځل بیا افغانستان ته ولاړ شو 

ټرمپ ویلي چې ممکن يو ځل بیا افغانستان ته ولاړ شو 

ټرمپ ټینګار کړی دی چې په دغه هېواد کې پاتې شوي نظامي تجهیزات او وسلې باید بېرته تر لاسه شي. هغه د خپلو خبرو پر دوام یو ځل بیا پر ولسمشر جوبایډن سختې نیوکې کړې دي او زیاته کړې یې ده چې بایډن پر خپلو احمقانه سیاستونو ټوله امریکا له خطرونو سره مخ کړې ده.

(2022 / 4 /  3   نېټه باغي ټلویزیون)

بشپړ راپور 

د امریکا متحده ایالاتونو پخواني ولسمشر ډونالډ ټرمپ یو ځل بیا افغانستان ته د خپلو ځواکونو د استولو خبره کړې ده.

نوموړي په مشیګن ایالت کې د خپلو پلویانو یوې پراخې غونډې ته په خبرو کې ویلي چې شاید امریکایي ځواکونه افغانستان ته یو وار بیا ستانه شي.

هغه زیاته کړې ده، چې په افغانستان کې د دوی ډېر بهترین نظامي تجهیزات پاتې دي او پرېښودل یې یو احمقانه کار دی.

ټرمپ ټینګار کړی دی چې په دغه هېواد کې پاتې شوي نظامي تجهیزات او وسلې باید بېرته تر لاسه شي. هغه د خپلو خبرو پر دوام یو ځل بیا پر ولسمشر جوبایډن سختې نیوکې کړې دي او زیاته کړې یې ده چې بایډن پر خپلو احمقانه سیاستونو ټوله امریکا له خطرونو سره مخ کړې ده.