امریکا پر روسیې نوي بندیزونه ولګول
د امریکا د خزانې وزارت په روسیې د دې بندیزونو د اعلان په هکله په یوې اعلامیې کې ویلي چې دا بندیزونه د هغو شبکو او ټکنالوژۍ د شرکتونو د ځپلو برخه ده چې د کرملین سره د بندیزونو څخه د ځان په تیر ایستلو کې مرسته کوي.
(2022 / 4 / 1 نېټه باغي ټلویزیون)
بشپړ راپور
د امریکا حکومت په ۱۳ افرادو او ۲۱ ادارو چې د روسیې د ټکنالوژۍ سکتور سره سر او کار لري د نویو بندیزونو لګولو اعلان وکړ.
امریکا ویلي چې دې ادارو او افرادو د هغو بندیزونو څخه د کرملین په خلاصولو کې مرسته کوله چې په روسیې پدې خاطر لګیدلي چې د غربي هیوادونو څخه ټکنالوژي د نظامي مقاصدو لپاره وانشي خیستلی.
د امریکا د خزانې وزارت په روسیې د دې بندیزونو د اعلان په هکله په یوې اعلامیې کې ویلي چې دا بندیزونه د هغو شبکو او ټکنالوژۍ د شرکتونو د ځپلو برخه ده چې د کرملین سره د بندیزونو څخه د ځان په تیر ایستلو کې مرسته کوي.
د خزانې وزارت ویلي چې دغه شرکتونه او افراد د روسیې د فدراسیون د جګړې د ماشین لپاره مهم دي. دا لومړی ځل ندی چې متحده ایالات په اوکراین د روسیې د یرغل له کبله په مسکو بندیزونه لګوي.
تر دې وړاندې د امریکا ولسمشر جو بایډن د روسیې څخه د تیلو او ګازو په ټولو وارداتو د بندیز لګولو اعلان کړی و.
Leave a Reply