عمران خان ویلي چې امریکا نور نغواړي زۀ پۀ واک کې واوسم 

عمران خان ویلي چې امریکا نور نغواړي زۀ پۀ واک کې واوسم 

عمران خان وویل چې د امریکا د حکومت لخوا ددوی د سفیر په لاس له ګواښونو ډک یو لیک ورته استولی او ګواښ یې کړی چې د عمران خان حکومت باید نور دوام ونه کړي. هغه زیاته کړې چې پاکستان یو خپلواک هیواد دی، او دا یې په کورنیو  چارو کې لاسوهنه ده.

(2022 / 4 / 1  نېټه باغي ټلویزیون)

بشپړ راپور 

د پاکستان لومړي وزیر عمران  خان تور پورې کړی چې امریکا د ځینو پاکستانیو سیاستوالو سره یو ځای دده د حکومت د ړنګولو هڅه کوي.

عمران خان دا څرګندونې پرون ددې هېواد پر ملي تلویزیون د پاکستان ولس ته په یوه وینا کې وکړه، چې په ژوندۍ بڼه خپره شوه.

نوموړي پر امریکا دا تور په داسې حال کې ولګاوه، چې د پاکستان د اپوزیسیون ګوندونو اتحاد په ملي شورا یا قامي اسامبلۍ کې د عمران خان پر ضد د نه باور قرارداد وړاندې کړی دی.

دا په داسې حال کې ده، چې د عمران خان دوه متحدین چې په پارلمان کې یې ټول ۱۱ څوکۍ دي، له اپوزیسیون سره لاس یو کړی او له حکومت څخه یې لارې جلا کړې دي.

عمران خان وویل چې د امریکا د حکومت لخوا ددوی د سفیر په لاس له ګواښونو ډک یو لیک ورته استولی او ګواښ یې کړی چې د عمران خان حکومت باید نور دوام ونه کړي. هغه زیاته کړې چې پاکستان یو خپلواک هیواد دی، او دا یې په کورنیو  چارو کې لاسوهنه ده.