د هلمند د بست تصدۍ چارواکي وایي چې تېر کال يې ۲۲ ميليونه افغانۍ ګټه کړې ده  

د هلمند د بست تصدۍ چارواکي وایي چې تېر کال يې ۲۲ ميليونه افغانۍ ګټه کړې ده

دی وايي روان کال به له کروندګرو ۴ زره ټنه خامه پنبه وپېرې چي په دې سره به يې د ګټې اندازه هم دوه چنده شي. د بست د پنبې او نباتي غوړیو دولتي تصدي هره ورځ لس نيم ټنه غوړي تولیدوي چې ټول په يوه ورځ کې پلورل کيږي.

(2022 / 3 / 31   نېټه باغي ټلویزیون)

بشپړ راپور 

د هلمند د بست د پنبې او نباتي غوړیو دولتي فابریکې تېر کال دوه زره ټنه دانه لرونکې پنبه له کروندګرو پېرلې وه چې تر پروسس وروسته يې محصولات بازار ته وړاندې کړې وو.

د یادې دولتي تصدۍ عملیاتي مرستیال انجنیر محمد حسین نیازی وايي چې د تېر کال له تولیداتو څخه يې ۲۲ میلیونه افغانۍ خالصه ګټه ترلاسه شوې چې په وينا يې له کنجاړې پرته يې نور ټول تولیدات پلورلي دي.

دی وايي روان کال به له کروندګرو ۴ زره ټنه خامه پنبه وپېرې چي په دې سره به يې د ګټې اندازه هم دوه چنده شي. د بست د پنبې او نباتي غوړیو دولتي تصدي هره ورځ لس نيم ټنه غوړي تولیدوي چې ټول په يوه ورځ کې پلورل کيږي.