امریکا کې په ډزو ۲۵ کسانو ته مرګ ژوبله اوښتې ده

امریکا کې په ډزو ۲۵ کسانو ته مرګ ژوبله اوښتې ده

پولیسو زیاته کړې ده چې د پېښې انګیزه روښانه نه ده خو په تړاو یې دوه شکمن کسان نیول شوي دي او اوسمهال د پولیسو په توقیف کې تر پوښتنو ګروېږنو لاندې دی.

(2022 / 3 / 21   نېټه باغي ټلویزیون)

بشپړ راپور 

د امریکا په ارکنزاس ایالت کې د موټرو په یو نندارتون کې په ډزو ۲۵ کسانو ته مرګ ژوبله اوښتې ده.

پولیسو ویلي چې په دې برید کې چې تر اوسه څرګنده نه ده یوه یا څو کسانو کړې دي یو تن پکې وژل شوی او ۲۴ نور ټپيان شوي دي.

پولیسو ویلي چې په ټپیانو کې د درېیو هغه روغتیایي وضعیت د اندېښنې وړ دی.

پولیسو زیاته کړې ده چې د پېښې انګیزه روښانه نه ده خو په تړاو یې دوه شکمن کسان نیول شوي دي او اوسمهال د پولیسو په توقیف کې تر پوښتنو ګروېږنو لاندې دی.