کانونو وزارت: د مس عینک استخراج به ډېر ژر پیل شي

کانونو وزارت: د مس عینک استخراج به ډېر ژر پیل شي

د مس عینک کان په نړۍ کې د مسو له سترو کانونو ګڼل کېږي چې په تېرو کلونو کې یې د استخراج هوکړه له چینایي شرکت سره لاسلیک شوې ده، خو تر دې دمه یې استخراج د امنیتي ستونزو له امله نه و پيل شوی.

(2022 / 3 /  20  نېټه باغي ټلویزیون)

بشپړ رايور 

افغان حکومت وایي ژر به د مس عینک د استخراج چارې پيل شي.

د کانونو او پطرولیم وزارت چارواکو ویلي چې د مس عینک د استخراج له چینایي شرکت سره یې خبرې کړې دي او دغه شرکت ژمنه کړې چې ژر به ددغه کان د استخراج چارې پيلوي.

افغان چارواکي دغه راز وایي چې د روانې میاشتې په پای کې به دغه چینایي شرکت په افغانستان کې خپل دفتر پرانیزي او تر هغه وروسته به د کان د استخراج پر لارو چارو خبرې کوي.

د مس عینک کان په نړۍ کې د مسو له سترو کانونو ګڼل کېږي چې په تېرو کلونو کې یې د استخراج هوکړه له چینایي شرکت سره لاسلیک شوې ده، خو تر دې دمه یې استخراج د امنیتي ستونزو له امله نه و پيل شوی.

اوس چینايي شرکت وایي چې ددغه کان د استخراج لپاره به خپلې هڅې ګړندۍ کړي.