باغي ټي وي رپورټ
د افغانستان په پایه تخت کابل کښې د پاکستان سفیر منصور احمد خان د چین سفیروانګ یو سره ملاقات کړې، د افغانستان په سیاسی بدلون او په افغانستان کښی د تل پاتې امن لپاره ی خبرې اترې کړي.
د پاکستان سفیر منصور احمد خان په ټویټر پانړه یو خبر او عکس خپور کړې، دې وایی چې د چین هیواد په افغانستان کښې سفیر وانګ یو سره ی ملاقات کړې دې او د افغانستان په موجوده سیاسي او انتظامی بدلوی ی ورسره خبرې کړي دي.
منصور احمد وای چې د چین سفیر سره په افغانستان کښې د امن لپاره په شریکه هلوځلو جاري ساتلو باندې خبرې وشوې او په دې خبره زور ورکړې شو چې په افغانستان کښې د انسانی همدردۍ لاندې په شریکه مرستې کولو ته ضرورت دې.
یاده دې وی چې چین هغه هیواد دې چې د سی پی پیک د لوی پروژې په مدد سره پاکستان او د وسطي ایشیا هیوادونو د تړلو لپاره ی کوششونه شروع کړي، په سي پیک پروژه کار هم شروع شوې.
د امریکې او نیټو ځواکونو د افغانستان نه د وتلو نه پس د چین هیواد نظر وس په پاکستان او افغانستان نور هم زیات شوې، چین غواړي چې په افغانستان کښې امن راشي او سي پیک منصوبه کښې افغانستان هم شامل کړي.
اقتصادي ماهرین وایی که چرې افغانستان هم په سي پیک پروژه کښې شامل شی نو دې سره په دې خطه کښې انقلابي اقتصادي بدلون راشي ، د خلقو اقتصادي حالت به ډیر ښه شي.
Leave a Reply