باغی ټي وي رپورټ
وزيراعظم عمران خان دجمعې په ورځ دکرم ضلعې په خلقو غږ کړى چې په خيبرپښتونخوا کې دراتلونکو بلدياتي انتخاباتو په دوهم پړاؤ کې دې په بشپړ ډول برخه واخلي او خپله رای دې د حق لپاره وکاروي.
وزيراعظم چې ټاکل شوې وه د جمعې په ورځ پاړه چنار ته لاړ شي او هلته يوې اولسي غونډې ته وينا وکړي، په يو ويډيويي پيغام کې د کرمې د خلقو نه بښنه وغوښته چې د خراب موسم له امله سيمې ته سفر ی وځنډول شول.
په ویډیو پیغام کې عمران خان وایی چې ما ته د چورلکې چلوونکو لخوا اوویل شول چې د کرمې په غرنۍ سیمه کې د تیز بادونو په شمول د خراب موسم شرایط د هیلیکوپټر الوتنې لپاره مناسب نه دې.
هغه اوویل چې زه د کرم له خلقو څخه بښنه غواړم، وزيراعظم اوویل چې هغه به زر تر زره د کرم دوره وکړي.
……………………………………………….
Leave a Reply