نیکولسن: افغانستان کې؛ جګړه نه غواړو د خبرو له لارې د ستونزو پر حل باور لرو
نیکولسن دا څرګندونې د کورنیو چارو وزارت له سرپرست سره په لیدنه کې کړې دي. نیکولسن زیاته کړې ده چې اروپایي ټولنه د سوله ییز او هوسا افغانستان ملاتړې او غوښتونکې ده او د همدې هدف د تر لاسه کولو لپاره به خپلو هلو ځلو ته دوام ورکړي.
(2022 / 3 / 17 نېټه باغي ټلویزیون)
بشپړ راپور
د افغانستان لپاره د اروپایي ټولنې ځانګړي استازي توماس نیکولسن ویلي چې اروپایي ټولنه په افغانستان کې د جګړې پلوي نه ده او په دغه هېواد کې د موجوده ستونزو د حل لپاره پر مذاکرې باور لري.
نیکولسن دا څرګندونې د کورنیو چارو وزارت له سرپرست سره په لیدنه کې کړې دي. نیکولسن زیاته کړې ده چې اروپایي ټولنه د سوله ییز او هوسا افغانستان ملاتړې او غوښتونکې ده او د همدې هدف د تر لاسه کولو لپاره به خپلو هلو ځلو ته دوام ورکړي.
د نوموړي په وینا، د افغانستان ثبات د ټولې سیمې او نړۍ په ګټه دی او دوی باوري دي چې هر ډول ستونزې یوازې او یوازې د خبرو له لارې د حل وړ دي.
Leave a Reply