فرانسه: له روسیې سره جګړې ته داخلېدل ستونزې لا ډېروي
فرانسه دا څرګندونې وروسته تر هغه کوي چې د اوکراین ولسمشر ولادیمیر زلنسکې پرون پر دغه هېواد د روسیې تر توغندویي برید وروسته وویل چې که چېرته غرب د روسیې مخه ونه نیسي نو ممکن د راتلونکو توغندیو هدف د ناټو سازمان کوم غړی هېواد وي.
(2022 / 3 / 15 نېټه باغي ټلویزیون)
بشپړ راپور
فرانسه وایي چې دوی د اوکراین د وګړو په غم غمجن دي او په دې ناخوښ وضعیت کې یې ترڅنګ ولاړ دي خو ټینګار کوي چې له روسیې سره جګړې ته نه داخلېږي.
د فرانسې د دولت ویاند ګابریل اتال ویلي چې دوی به اوکرایني وګړو سره بشري مرستې دوامداره وساتي خو وسله وال ملاتړ ته یې نه شي ورتلی.
هغه زیاته کړې ده چې د اوکراین جګړې ته داخلېدل د دغې جګړې د پراختیا مانا لري او د دوی هدف دا دی چې دا جګړه له معقولو لارو پای ته ورسوي نه دا چې په خپلې مداخلې یې لا پراخه کړي.
فرانسه دا څرګندونې وروسته تر هغه کوي چې د اوکراین ولسمشر ولادیمیر زلنسکې پرون پر دغه هېواد د روسیې تر توغندویي برید وروسته وویل چې که چېرته غرب د روسیې مخه ونه نیسي نو ممکن د راتلونکو توغندیو هدف د ناټو سازمان کوم غړی هېواد وي.
Leave a Reply