اروپایي ټولنه: افغانستان سره به خپلې مرستې څلور برابره دېرې کړو
د ریانووستي د راپور له مخې، د اروپایي ټولنې د بهرني سیاست مسوول جوزپ بورل ویلي چې له طالبانو سره له خبرو اترو پرته بله داسې لار نشته چې په افغانستان کې د دغې ټولنې ډیپلوماټیک حضور تضمین کړي.
(2021 / 9 / 5 نېټه باغي ټلویزیون)
د ریانووستي د راپور له مخې، د اروپایي ټولنې د بهرني سیاست مسوول جوزپ بورل ویلي چې له طالبانو سره له خبرو اترو پرته بله داسې لار نشته چې په افغانستان کې د دغې ټولنې ډیپلوماټیک حضور تضمین کړي. نوموړي زیاته کړې چې باید په دې اړه له طالبانو سره خبرې اترې پیل شي. بورل ټینګار کړی دی چې له طالبانو سره خبرې اترې د دغې ډلې د په رسمیت پېژندلو په مانا نه دي. د اروپایي ټولنې د بهرني سیاست مسوول دغه راز څرګنده کړې چې په افغانستان کې له نورو مهمو هېوادونو سره یو ځای د دغې ټولنې حضور اړین دی او د خبرو اترو سطحه وعدو ته د دغې ډلې په ژمنتیا پورې تړلې ده. هغه ټینګار کړی دی چې اروپایي ټولنه به له افغانستان سره خپلې مرستې څلور برابره زیاتې کړي.
Leave a Reply