تر اوکراین وروسته روسیې هم د داوطلبانه جنګیالیو منلو ته تیاری ښودلی
تر اوکراین وروسته روسیې هم د داوطلبانه جنګیالیو منلو ته تیاری ښودلی
هغه لویديځ د ټولو نړۍوالو قوانینو پر خلاف اوکراین ته د بهرنیو جنګیالیو په لیږولو تورن کړ .هغه وویل چې لویدیځ د ټولو نړۍوالو قوانینو د خپو لاندې کولو سره اوکراین ته بهرني جنګیالي استوي او ددې جنګیالیو مالي تمویل په غاړه اخلي.
(2022 / 3 / 11 نېټه باغي ټلویزیون)
بشپړ راپور
روسیې ولسمشر ولادیمیر پوتین یو بل ډیر خطرناک ګام اوچت کړ.
پوتین د اوکراین سره په جګړه کې د اوکراین په مقابل د داوطلبه بهرنيو جنګیالیو د منلو حکم وکړ.
د روسیې ولسمشر ولادیمیر پوتین د ملي امنیت شورا غونډه کې ډیرې مهمې څرګندونې وکړې.
هغه لویديځ د ټولو نړۍوالو قوانینو پر خلاف اوکراین ته د بهرنیو جنګیالیو په لیږولو تورن کړ .هغه وویل چې لویدیځ د ټولو نړۍوالو قوانینو د خپو لاندې کولو سره اوکراین ته بهرني جنګیالي استوي او ددې جنګیالیو مالي تمویل په غاړه اخلي.
همداشان هغه امر وکړ چې په اوکراین کې په داوطلبه توګه د روسیې په ملاتړ په جګړه کې د ګډون کوونکو بهرني جنګیالي ومني.
هغه وویل چې په دونباس کې د بیلتون غوښتونکو جمهوریتونو نه ملاتړ ته به دوام ورکړي.
د اوکراین په جګړه کې نیولي د لویدیځ ساخت وسلې، مهمات، تجهیزات او ټانکونه به دونباس بیلتون غوښتونکو ته ورکړي.
همداشان پوتین د دفاع وزیر ته د ناټو د اقداماتو په ځواب کې د لویدیځو پولو د لا قوي کولو امر وکړ او پدې اړه راپور د جوړولو غوښتنه وکړه. د بله پلوه د روسیې د دفاع وزیر ویلي دي چې ۱۶ زره تنو داوطلبه جنګیالیو چې ډیری د منځني ختیځ دي په اوکراین کې د روسي ځواکونو په ملاتړ په جګړه کې د ګډون په خاطر وړاندیز کړی دی.دا کسان به ومنل شي .
د ویلو ده چې اوکراین جګړه هم د لویدیځ او روسیې ترمنځه د نیابتي جګړې په ډګر بدله شوې ده.
Leave a reply
