اقوام متحده دې د پنجشیر مسله په خبرو هواره کړي: امرالله صالح

باغي ټي وي رپورټ
د افغانستان پخوانۍ نایب صدر امرالله صالح په لیکل شوې مراسله کښې د اقوام متحده نه غوښتلي دي چې د طالبانو د انساني حقونو د خلاف ورزۍ نه منع کړي.

امرالله صالح په خط کښې لیکلي چې طالبانو په پنچشیر صوبه برق هم بند کړې او د مواصلات نظام ی هم په مکمل توګه بند کړي دې، دې لیکي چې د طالبانو له وجهې بې کوره شوی د پنجشیر خلق په جماعتونو،سکولونو، روغتونو او د آسمان نه لاندې ژوند کوي او ډیر په مشکل سره دي.

امرالله صالح د اقوام متحده، سور صلیب او نور غیر دولتي سازمانونو ته اپیل کړې چې د پنجشیر خلق سره دې مرستې وکړي او دوی تیار دي چې د انسانی خدمتونو دې ادارو ته سهولت ورکړي چې دې علاقو ته په حفاظت سره راشي.

صالح اپیل کړې چې طالبان دې منع کړې شي چې پنجشیر قبضه نه کړي او ددې ستونزې لار دې د خبرواترو له لارې را اوباسي چې د پنجشیر د زرګونو خلقو ژوند خوندي شي.