د بایډن تر پرېکړې وروسته؛ روسیې هم پر ځینو خامو او نورو موادو پر صادرولو او واردولو بندیز ولګاوۀ 

 د بایډن تر پرېکړې وروسته؛ روسیې هم پر ځینو خامو او نورو موادو پر صادرولو او واردولو بندیز ولګاوۀ 

روسیې دا پریکړه وروسته د هغې اعلان کړه چې د امریکا ولسمشر جو بایدن تیره شپه  د روسیې په تیلو ، ګازو او انرژۍ په سکتور نوي‌ بندیزونه ولګول.

د ویلو ده چې دا متقابل بندیزونه به په نړۍوالو بازارونو کې د تیلو، ګازو، انرژۍ، کرنیزو توکو او یو زیات شمیر نورو توکو بیو باندې ناوړې اغیزې وکړي.

(2022 /  3 / 9  نېټه باغي ټلویزیون)

بشپړ راپور 

د روسیې ولسمشر ولادیمیر پوتین د روسیې صنایع پرته د هر ډول ځنډ او سکتې په دوامداره توګه د فعالیت کولو په موخه د هیواد نه د بعضو توکو او خامو موادو په صادراتو او وارداتو د بندیز لګولو اړوند حکم  لاسلیک کړ.

پدې حکم کې  راغلي‌ دي‌ چې د حکومت لخوا په ټاکل کیدونکو بعضو توکو او خامو موادو په صادراتو او وارداتو د اقتصادي‌ تدابیرو په چوکاټ کې بندیز لګول کیږي.

همداشان پوتین د روسیې د حکومت نه د هغه هیوادونو د لست د جوړولو غوښتنه کړې ده چې ددې بندیزونو نه اغیزمن کیږي.

روسیې دا پریکړه وروسته د هغې اعلان کړه چې د امریکا ولسمشر جو بایدن تیره شپه  د روسیې په تیلو ، ګازو او انرژۍ په سکتور نوي‌ بندیزونه ولګول.

د ویلو ده چې دا متقابل بندیزونه به په نړۍوالو بازارونو کې د تیلو، ګازو، انرژۍ، کرنیزو توکو او یو زیات شمیر نورو توکو بیو باندې ناوړې اغیزې وکړي.

پداسې حال کې چې د کرونا ویروس پراخې وبا ناروغۍ له امله نړۍوال اقتصاد‌ي تورم کچه د پام وړ لوړه شوې وه ددې بندیزونو سره به  نړۍوال اقتصادي‌ تورم په بې ساري‌ توګه لوړ شي.

وار د مخه د یو زیات شمیر هیوادونو په بازارونو کې د تیلو ، ګازو، غنمو، غوړو او یو زیات شمیر نورو توکو بیه ډیره زیاته لوړه شوې ده .