پولنډ او امریکا اوکراین ته جنګي چورلکې ورکوي

پولنډ او امریکا اوکراین ته جنګي چورلکې ورکوي

ویل کېږي چې تلیفوني مکالمه شاوخوا دېرش دقیقې اوږده شوې ده. بلخوا د جګړې میدان ګرم دی او روسیې د اوکراین د پلازمینې پر ګډون پر ګڼو ښارونو د توغندیو بریدونه ډېر کړي دي.

(2022 / 3 / 6  نېټه باغي ټلویزیون)

بشپړ راپور

امریکا او پولنډ اوکراین ته د جنګي چورلکو پر ورکولو خبرې کړې دي.

د راپورونو له مخې پولنډ او امریکا ټینګار کړی چې په ګډه به ژر تر ژره د اوکراین د پوځي پیاوړتیا لپاره هڅه کوي او دغه هېواد ته به ځینې جنګي چورلکې ورکړي.

له دې سره جوخت د امریکا ولسمشر د اوکراین له ولسمشر ویلادیمیر زیلنسکي سره ټلیفوني خبرې کړې دي. په دې مکالمه کې له اوکراین سره پر بشردوستانه مرستو بحثونه شوي او یاد هېواد ته د امریکا له لوري د ملاتړ ډاډ ورکړل شوی دی.

ویل کېږي چې تلیفوني مکالمه شاوخوا دېرش دقیقې اوږده شوې ده. بلخوا د جګړې میدان ګرم دی او روسیې د اوکراین د پلازمینې پر ګډون پر ګڼو ښارونو د توغندیو بریدونه ډېر کړي دي.