د پاکستان له اړخه افغان اولس ته بشري مرستې ولیږل شوې

نصیب شاه شینواريډ
نن د ګل په ورځ په پاک افغان پوله تورخم د پاکستان له لوري افغان اولس ته د بشري مرستو ورکول په اړه یوه لویه دستوره ترسره شوه، په دستوره کې د دواړو ګاونډی هیوادونو چارواکو ګډون وکړو.
د افغانستان په پایه تخت کابل کې د پاکستان سفیر منصور احمد، په جلا آباد کې د پاکستان قونصل جنرل عابدالله ، د افغانستان د ذراعت او کرنې وزارت ډپټي منسټر مولانا عبدالباري، ایډیشنل کسټم کلیکټر محمد طیب ،ډپټي کلیکټر اپریزمنټ امانت خان، د لنډیکوتل ایډیشنل اسټنټ کمشنر اشراف الدین او تورخم تحصیلدار غنچه ګل مهمند هم په دې دستوره کې برخه واخسته .
دستوره چې په زیرپواینټ تورخم ترسره شوه، په دې مهال د پاکستان سفیر منصور احمد اوویل چې پاکستان هره ممکنه هڅه کوي چې په دې سخت وخت کې افغان اولس سره بشري مرستې وکړي او د اول ورځ نه پاکستان افغان اولس لپاره بشري مرستې لیږي او دا لړۍ نن هم روانه ده.
منصور احمد اوویل چې په تورخم پوله افغان اولس او افغان رنځورانو لپاره اسانتیاوي او سهولتونه برابروو چې دوی وکولې شي په اسان توګه پاکستان ته راداخل شي او په پاکستان کې علاج ترلاسه کړي.

په دستوره کې په رسمي توګه ۲۸ د غنمو ډک ټرکونه افغان چارواکو ته وسپارلې شول، دا بشري مرستې (۳۶۰۰ ټنه غنم) د پاک افغان د همکارۍ ټولنې ترسیوري لاندې د پاکستان ایګریکلچرل سټوریج اینډ سروسز کارپوریشن له اړخه افغان چارواکو ته وسپارل شول.
په دې موقع افغان چارواکو هم د پاکستان حکومت ، پاکستان اولس او د پاکستان بشري مرستندویه سازمانونو څخه مننه وکړه چې افغان اولس سره ی دا بشري مرستې وکړي او دې بشري مرستو ته ی دوام ورکړې دې.