اروپايي ټولنې پر طالبانو غږ کړی چې کور پۀ کور تلاشۍ بندې کړي 

اروپايي ټولنې پر طالبانو غږ کړی چې کور پۀ کور تلاشۍ بندې کړي 

نوموړي پر خپله ټویټر پاڼه لیکلي چې دوی د اوکراین کړکېچ سربېره پر افغانستان هم ژور څار لري. هغه زیاته کړې ده چې د خلکو د کورونو پلټنې د خلکو تر منځ وېره خپره کړې ده او باید ژر تر ژره پای ته ورسېږي.

(2022 / 2 / 28  نېټه باغي ټلویزیون)

بشپړ راپور 

په افغانستان کې د اروپايي ټولنې سفیر وان بارنت ویلي چې په کابل او یو شمېر نورو ولایتونو کې د ا.ا له لوري د کورونو پلټنې په پراخه کچه د خلکو اندېښنې راپارولې دي.

نوموړي پر خپله ټویټر پاڼه لیکلي چې دوی د اوکراین کړکېچ سربېره پر افغانستان هم ژور څار لري. هغه زیاته کړې ده چې د خلکو د کورونو پلټنې د خلکو تر منځ وېره خپره کړې ده او باید ژر تر ژره پای ته ورسېږي.

نوموړي تور پورې کړی دی چې افغان ځواکونو د خلکو د کورونو د پلټلو پر مهال د خلکو با ارزښته څېزونه تخریب کړي او یا یې هم له ځان سره وړي دي.

خو د ا.ا مرکزي ویاند ذبیح الله مجاهد پرون په کابل کې یوې خبري ناستې ته په خبرو کې یاد عملیات ګټور بللي دي او د دوام خبره یې کړې ده.