ایران او افغانستان پر ګډې پانګونې بحثونه کړي دي

ایران او افغانستان پر ګډې پانګونې بحثونه کړي دي

ایراني چارواکو ویلي په دې لیدنه کې ایران او افغانستان په بېلو برخو کې پر ګډه پانګونه بحثونه کړي دي او دواړو لورو ټینګار کړی چې ژر تر ژره به په دې برخه کې لا ډېر بحثونه او اقدامات ترسره کېږي.

(2022 / 2 / 24  نېټه باغي ټلویزیون)

بشپړ راپور 

ایراني رسنۍ وايي چې د افغانستان لپاره د ایران ځانګړي استازي حسن رضايي قمي په کابل کې د افغانستان د نوي حکومت له بېلابېلو چارواکو سره کتلي دي.

سرچینه وايي چې په دې لیدنه کې تر ډېره د دواړو هېوادونو پر ديپلوماتیکو اړیکو او همدا راز اقتصادي همکاریو خبرې شوې دي.

ایراني چارواکو ویلي په دې لیدنه کې ایران او افغانستان په بېلو برخو کې پر ګډه پانګونه بحثونه کړي دي او دواړو لورو ټینګار کړی چې ژر تر ژره به په دې برخه کې لا ډېر بحثونه او اقدامات ترسره کېږي.

ایراني لوری وایي دوی له افغانستان سره په بېلو برخو کې د پراخو اړیکو غوښتونکي دي او تمه لري چې وکړی شي په دې سختو شرایطو کې د افغانانو لاسنیوی وکړي.