د هند غنمو بشري مرستې نن په افغان ټرکونو کې په واهګه پوله بار شوي، افغانستان په لور به افغان ټرکونه نن راستنیږي

باغی ټي وي رپورټ
پاکستان حکومت د چهارشنبه په ورځ په اجازه ورکړې ده چې له هند څخه د 50,000 میټریک ټنه غنمو او ژوند ژغورونکي درملو د بشردوستانه مرسته د پاکستان او هند ترمینځ واهګه پولې له لارې تر تورخم پورې ورسوي.
د پاکستان د بهرنیو چارو وزارت په یوه بیان کې ویلي، د افغانستان د ۴۱ لاریو لومړۍ جوپه، چې د تورخم له لارې پاکستان ته داخله شوې وه، نن د هند د غنمو له لېږدولو وروسته بېرته افغانستان ته واپس روانیږي او دا بشري مرستې به افغانستان ته ورسوي.
وزیر خارجه ویلي دي چې پاکستان د بشري مرستو په ښه او اسانه توګه افغانستان ته رسولو لپاره هڅې کوي او په دې کې هره ممکنه مرستې کوي.
د یادونې ده چې د افغانستان څخه د تورخم په لار د افغان ټرکونو ۴۱ جوپه د پاکستان په پنجاب صوبه کې واهګه بارډر ته ورسیدلي چې نن دا ټرکونه د افغانستان په لور روانیږي چې دا هند د ۵۰۰۰۰ زره ټنه غنمو مرستې افغانستان ته ورسوي.