د پاکستان پخوانۍ وزیرداخله په حق رسیدلې دې

باغي ټي وي رپورټ
د پاکستان پخوانۍ وزیرداخله او د پاکستان پيپلز پارټۍ سينيټر رحمان ملک د ۷۰ کالو په عمرکې په حق رسیدلې دې.
په رسنیو کې د چاپ یو رپورټ مطابق د رحمان ملک سږي د کورونا وایرس له امله اغیزمن شوي او رحمان ملک له څو ورځو راهیسې په یوه شخصي روغتون کې په وینټیلیټر باندې وو.
د رپورټ مطابق سینیټر رحمان ملک له ۲۰۰۸ څخه تر ۲۰۱۳ کال پورې د کورنیو چارو وفاقي وزیر وو.
د خدای بخښلي په خپل خاندان کې یوه کونډه او دوه زامن پریښي دي. د جیو نیوز رپورټ مطابق رحمان ملک بینظیر ډېر نږدې ګڼل کېدل او د میثاق جمعوریت په معاهده کې یې مهم رول لوبولی وو.
د کراچۍ يونيورسټۍ رحمان ملک ته د پي ايچ ډي اعزازي سند هم ورکړی وو او د پاکستان حکومت لخوا رحمان ملک ته د هغه د غوره کارکردګۍ په وجه ستاره شجاعت او نشان امتياز هم ورکړل شوی وو.