د ترکیې ولسمشر د افریقا سفر نیمايي کې پریښی او بېرته ترکیې ته ستون شوی

د ترکیې ولسمشر د افریقا سفر نیمايي کې پریښی او بېرته ترکیې ته ستون شوی

ولسمشر اردوغان درې افریقايي هیوادونو ته د سفر په ترڅ کې خپل دویم تم ځای سینیګال ته رسیدلی وو چې د اوکراین د وروستیو پرمختګونو له امله يي خپل سفر په نیمايي پرې او هیواد ته راستون شو.

(2022 / 2 / 23 نېټه باغي ټلویزیون)

بشپړ راپور

د ترکیې ولسمشر رجب طیب اردوغان چې افریقا کې خپل سفر په نیمايي کې د پرې کولو پریکړه کړې وه هیواد ته راستون شو.

ولسمشر اردوغان په سینیګال کې د لیدونو کتنو نه وروسته ددې هیواد د ولسمشر ماکي سال سره په ګډه د سینیګال د فوټبال لوبغالي د پرانیستو په مراسمو کې ګډون وکړ. وروسته د سینیګال د ولسمشر لخوا د هغه په ویاړ په جوړه شوې میلمستیا کې ګډون وکړ.

ولسمشر اردوغان ګینه بیسایو ته خپل سفر راتلوونکې تاریخ ته د ځنډولو پریکړه وکړه او هیواد ته راستون شو.

ولسمشرۍ ماڼۍ د عامه اړیکو ریاست ویلي دي چې ولسمشر اردوغان هیواد ته راستون شو او نن به د اوکراین په اړه جوړیدونکې د ناټو سازمان د مشرانو په انلاین سرمشریزه کې ګډون وکړي.

د ناټو سازمان د مشرانو د مشریزې اجنډا د روسېې لخوا د اوکراین په ختيځ کې د دونتسک او لوهانسک خپلواکو سیمې خپلواکي په رسمیت پیژندل او اوکراین ته مخامخ ګواښونه دي.