لا هم د پنجشیر یو شمېر سیمې د مقاومت جبهې تر کنټرول لاندې دي

لا هم د پنجشیر یو شمېر سیمې د مقاومت جبهې تر کنټرول لاندې دي

که څه هم تېره شپه طالبانو د پنجشیر د سقوط په خاطر ډزې وکړې ؛ د مقاومت ډله وايي چې پنجشیر سقوط ندی کړی.

(2021 / 9 / 4 نېټه باغي ټلویزیون)
تېر ماښام په کابل او یو شمېر نورو ولایتونو کې د پنجشیر د نیولو په خوشحالۍ کې طالبانو هوایي ډزې وکړې چې له امله یې ګڼ شمېر ملکي وګړو ته هم مرګ ژوبله اوښتي ده، خو د ط البانو ویاند ذبیح الله مجاهد پر خپل ټویټر پاڼه له ډېرو جزییاتو ورکولو پرته پر طالب وسلوالو غږ کړی چې له هوايي ډزو لاس واخلي، مجاهد تر اوسه د پنجشیر د بشپړ سقوط خبر لا نه دی ورکړی خو طالبانو بیا د یو شمېر ولسوالیو د نیول کېدو خبره کوي.
په ورته مهال بیا، مولوي محمد یعقوب طالبانو ته په یوه غږیز پیغام کې ویلي، چې هوایي ډزې کول له بیت المال، نظام او حکومت سره خیانت دی.
مولوي محمد یعقوب جدي خبرداری ورکړی، چې که بیا څوک ډزې وکړي، بې وسلې او بندي به یې کړي.
د یادونې وړ ده چې هندي ټایمز نو اژانس د خبر له مخې وروسته له هغې چې پر پنجشیر د وسلوالو ط البانو بریدونو زور واخیست د مخکیني ولسمشر محمد اشرف غني لومړی مرستیال امرالله صالح د یو شمېر قومندانو په ګډون له هېواد څخه وتلی، خو امرالله صالح بیا دغه راپورونه ردوي او وايي، چې زه اوس په پنجشیر ولایت کې یم او د جګړې د رهبرۍ لپاره له بېلابېلو قومندانو سره پر مشورو بوخت یم.
د یادونې وړ ده چې دواړه لوري یو بل ته د درنې مرګ ژوبله اړولو ادعاوي هم کوي.