کابل کې د شهزاده سرای نن بېرته پرانیستل کیږي
د افغانستان بانک نن په کابل ښار کې د شهزاده سرای د پرانیستل کېدو خبر ورکوي. له دغه بانک څخه په خپره شوې اعلامیه کې راغلي چې دغه پرېکړه د افغانستان بانک او د صرافانو رهبرۍ تر منځ په ګډه ناسته کې شوې ده.
(2021/ 9 / 4 نېټه باغي ټلویزیون)
د افغانستان بانک نن په کابل ښار کې د شهزاده سرای د پرانیستل کېدو خبر ورکوي. له دغه بانک څخه په خپره شوې اعلامیه کې راغلي چې دغه پرېکړه د افغانستان بانک او د صرافانو رهبرۍ تر منځ په ګډه ناسته کې شوې ده. د افغانستان بانک ژمنه کړې چې په مالي او بانکي برخو کې به هېوادوالو ته لازمې اسانتیاوې برابرې کړي. د دې تر څنګ د افغانستان بانک هېوادوالو ته ډاډ ورکړی چې امانتونه یې له دوی سره خوندي دي او په دې برخه کې هېڅ ستونزه نشته. پر همدغه مناسبت د افغانستان بانک ویلي، چې په مرکز او ولایتونو کې د سوداګریزو بانکونو فعالیتونه پیل شوي او د جوړې شوې کړنلارې پر اساس به بانکي فعالیتونه دوام وکړي. افغانستان بانک وایي، دغه کړنلاره به تلپاتې نه وي، بلکې ډېر ژر به د بانکونو فعالیتونه بیرته پیل شي.
Leave a Reply