سیګار ویلي چې ښایي د افغانستان ناخالص تولیدات څو میلیارده ډالر کم شي

سیګار ویلي چې ښایي د افغانستان ناخالص تولیدات څو میلیارده ډالر کم شي

سیګار دغه راپور د ملګرو ملتونو سازمان د پراختیايي پروګرام (UNDP) د اټکل له مخې خپور کړی دی. یاد پروګرام اټکل کړی، چې ښايي دغه ناخالص تولیدات چې په ۲۰۲۰ کال کې شل میلیارد ډالر و او۱۶ میلیارد ډالرو ته راکم شي.

(2022 / 2 / 19 نېټه باغي ټلویزیون)

بشپړ راپور

د افغانستان بیا رغونې لپاره د امریکا ځانګړې ادارې یا سیګار ویلي، چې ښايي د افغانستان ناخالص تولیدات نږدې څلور میلیارد ډالر کم شي.

د سیګار د راپور له مخې، د افغانستان اقتصاد په تېر کال کې له سختو ننګونو سره مخ شو چې له کبله یې د کورني ناخالص تولید شل تر دېرش سلنه کم شوی دی.

سیګار دغه راز په افغانستان کې د بېکارۍ په اړه هم اندېښنه ښودلې او ویلي یې دي چې روان کال به افغانستان کې د بېکارۍ کچه ۲۹ سلنه زیاته شي چې د تېرو کلونو په پرتله به دا ګراف دوه برابره زیات وي.

په ورته مهال د اسیا پرمختایي بانک بیا خبرداری ورکړی چې ښايي د وزګارتیا تر ۴۰ سلنې او د کورنیو لګښت تر ۴۴ سلنې راکم شي.

د سیګار په راپور کې ویل شوي، چې د ډالرو پر وړاندې د افغانیو د ارزښت کمښت هم د افغانستان پر اقتصاد او د خوراکي او نورو اړتیاوړ توکو د پيرلو لپاره د کورنیو پر توانمنۍ اغېز کړی دی.