کرزی: د پنجشیر مسئله دې خبرو له لارې حل شي
پخواني ولسمشر حامد کرزي په طالبانو او د مقاومت ډلې باندې غږ کړی چې د پنجشیر ستونزه دې د خبرو له لارې حل کړي.
(2021 / 9 / 3 نېټه باغي ټلویزیون)
پخوانی ولسمشر حامد کرزی وایي، جګړه د حل لاره نه ده، ناخوالې زېږوي او له دواړو خواوو یې غوښتي چې د پنجشېر ولایت ستونزه د مذاکراتو له لارې حل کړي. کرزي پر دواړو خواوو غږ کړی چې جګړه نه یوازې چې د حل لاره نه ده، بلکې د ټپي او دردېدلي افغانستان زخمونه نور هم تازه کوي او ناخوالې زېږوي. ده له دواړو خواوو غوښتي چی د مذاکراتو له لارې موجوده ستونزه حل کړي، څو ځورېدلی ولس له بشپړې سولې او خوشحالۍ برخمن شي.
Leave a Reply