اوکراین له المان څخه د پرمختللو توغندیو غوښتنه کړې

اوکراین له المان څخه د پرمختللو توغندیو غوښتنه کړې

نوموړی دا څرګندونې وروسته تر هغه کوي چې امریکا په خپلو وروستیو څرګندونو کې ویلي چې روسیې د اوکراین پولو ته څېرمه ۱۳۰ زره سرتېري ځای پر ځای کړي دي او هره شیبه امکان لري چې پر اوکراین برید وکړي.

(2022 / 2 / 14  نېټه باغي ټلویزیون)

بشپړ راپور 

په المان کې د اوکراین سفیر د دغه هېواد له لومړي وزیر څخه غوښتنه کړې ده چې د پرمختللو توغندیو په ګډون درانه جنګي تجهیزات په واک کې ورکړي.

نوموړي اوکراین ته د المان د لومړي وزیر د سفر پر مهال له هغه څخه غوښتنه کړې ده چې جنګي تجهیزات اوکراین ته ورکړي.

هغه څرګنده کړې ده چې هېواد یې ۱۲ زره ټانک ضد او نورو توغندیو ته اړتیا لري څو د روسیې د ممکنه برید په صورت کې له خپله ځانه دفاع وکړای شي.

نوموړی دا څرګندونې وروسته تر هغه کوي چې امریکا په خپلو وروستیو څرګندونو کې ویلي چې روسیې د اوکراین پولو ته څېرمه ۱۳۰ زره سرتېري ځای پر ځای کړي دي او هره شیبه امکان لري چې پر اوکراین برید وکړي.