د افغان حکومت یو پلاوی لندن ته روان دی
دغه پلاوی داسې مهال لندن ته روان دی چې تازه یې په جینوا کې له نړیوالې ټولنې سره د بشردوستانه مرستو د رسولو پر څرنګوالي خبرې کړې دي.
(2022 / 2 / 14 نېټه باغي ټلویزیون)
بشپړ راپور
ځینې رسنیو د خپلو سرچینو په حواله لیکلي چې د افغان حکومت د لوړپوړي غړي قلندر عباد په مشرۍ یو پلاوی لندن ته ځي او ددغه هېواد له چارواکو سره پر بشردوستانه مرستو خبرې کوي.
دغه پلاوی داسې مهال لندن ته روان دی چې تازه یې په جینوا کې له نړیوالې ټولنې سره د بشردوستانه مرستو د رسولو پر څرنګوالي خبرې کړې دي.
افغان حکومت وایي چې دغه خبرې رغنده وې او ټولو اړخونو ژمنه کړې چې له افغانستان سره به خپلو بشردوستانه مرستو ته ادامه ورکوي.
د روغتیا نړیوالې ادارې مشر هم په دې لیدنه کې د افغانستان له روغتیايي برخې سره د مرستو د ډېرېدو ژمنه کړې وه.
Leave a Reply