دمیدان وردګو په چک ولسوالۍ کې د غشو ویشتلو سیالۍ ترسره شوې

دمیدان وردګو په چک ولسوالۍ کې د غشو ویشتلو سیالۍ ترسره شوې

له دواړو ټېمونو شپږ شپږ کسه د غوره غيشي ویشتونکو په توګه انتخاب شوي دي. د غشي ویشتلو سیالي د مرکزي ولایتونو په ډېری کلو او بانډو کې اوږده تاریخي مخینه لري او له کلونو راهیسې ترسره کېږي.

(2022 / 2 / 11   نېټه باغي ټلویزیون)

بشپړ راپور 

ځايي خلکو رسنیو ته ویلي چې دا سیالۍ د دوو کلو آدم خېلو او خواجه انګو ترمنځ ترسره شوې چې په پایله کې خواجه انګور کلي د دوو امتیازونو په توپیر نننۍ سیالي ګټلې ده.

په دې سیالیو کې لسګونه نندارچیانو ګډون کړی و او ځوانان یې د سرګرمۍ غوره وسیله بولي. په سیالیو کې له دواړو ټیمونو ۴۸ غشو ویشتونکو ګډون کړی.

له دواړو ټېمونو شپږ شپږ کسه د غوره غيشي ویشتونکو په توګه انتخاب شوي دي. د غشي ویشتلو سیالي د مرکزي ولایتونو په ډېری کلو او بانډو کې اوږده تاریخي مخینه لري او له کلونو راهیسې ترسره کېږي.

په دې سیالیو کې بېل ټېمونه د ځوانانو لپاره د بوختیا زمینه برابروي، مېلې جوړوي او ګټونکو ټیمونو ته جایزې ورکول کېږي. دغه سیالۍ خپل سیمه ییز او دودیز قوانین لري چې همدې قوانینو ته په پام ګټونکي ټيمونه اعلانېږي.