بریچ واټر: امریکا د کورنیو جګړو د پیل لۀ جدي ګواښ سره مخ ده

بریچ واټر: امریکا د کورنیو جګړو د پیل لۀ جدي ګواښ سره مخ ده

دالیو ټینګار کړی دی چې د رسنیو پر چوپ کولو او پروپاګنډا حقیقت نه شي پټېدلی، د هغه په وینا، حقیقت دا دی چې ډیموکراسي له جدي ګواښ سره مخ ده او امریکا د کورنیو جګړو پر لور روانه ده.

(2022 / 2 / 7 نېټه باغي ټلویزیون)

بشپړ راپور

رشیا ټوډې ورځپاڼې د نامتو امریکایي میلیاردر او د بریج واټر په نامه د نړۍ د پانګونې د تر ټولو ستر صندوق د بنسټګر رای دالیو له قوله خبرداری ورکړی دی چې امریکا د کورنیو جګړو له جدي ګواښ سره مخ ده.

دالیو ویلي چې په امریکا کې پر خلکو لوړ مالیات، د بودجې کسر، د ژوند کولو نا متوازن وضعیت او دغه راز د سیاسيونو ترمنځ پراخېدونکې ناندرۍ د دې سبب شوې دي چې د ډيموکراسۍ د ترویج مرکز(امریکا) له بېساري ګډوډیو او انارشیزم سره مخ شي.

نوموړي زیاته کړې ده چې د نړۍ د زبرځواکونو ترمنځ ناندرۍ هم په امریکا کې د وضعیت له ترینګلتیا سره مرسته کوي او په حقیقت کې دا یوه ډېره خطرناکه دوره ده.