ملکي هوايي چلند اداره وايي چې ډېر ژر به داخلي پروازونه پیل شي
ملکي هوایي چلند اداره وايي کورني پروازونه به سر له سبا څخه پیل شي.
(2021 / 9 / 2 نېټه باغي ټلویزیون)
د ملکي هوایي چلند ادارې ویلي چې په کابل کې د حامد کرزي له نړیوال هوایي ډګر څخه به کورني پروازونه سر له سبا څخه پیل شي. د یادې ادارې د ترافیکي خدمتونو مشر غلام جیلاني وفا الجزیره خبري شبکې سره په مرکه کې ویلي چې کورنۍ الوتنې به سبا پیل شي خو د نړیوالو الوتنو پیل وخت ته اړتیا لري. هغه زیاته کړې چې له دوو تر دریو اوونیو پورې به هوايي ډګر د ورځې لخوا الوتنو ته چمتو شي ځکه د ده په خبره، هوایي ډګر د امریکایانو له لوري تخریب شوی دی او د ورځې له خوا به الوتنې له دې امله اسانه وي چې پیلوټ به ځغاست لیکه (رن وې) په سترګو ویني او د رادار رهنمایي ته اړتیا نه پېښېږي. هغه څرګنده کړې چې عادي حالت ته د کابل هوایي ډګر راګرځېدل به لږ وخت ونیسي.
Leave a Reply