ملګري ملتونه وايي چې شا و خوا ۳۳ سلنه افغانان د خوړو له کمښت سره مخ دي
ملګرو ملتونو یو ځل بیا په افغانستان کې د بشري ناورین د رامنځ ته کېدو خبرداری ورکړی دی.
(2021 / 9 / 2 نېټه باغي ټلویزیون)
ملګرو ملتونو یو ځل بیا په افغانستان کې د بشري ناورین د رامنځ ته کېدو خبرداری ورکړی دی. د ملګرو ملتونو د بشري مرستو د همغږۍ ادارې ویلي چې په افغانستان کې د جګړو، وچکالۍ، بېځایه کېدو او نورو ستونزو له امله زرګونه کسان بېړنیو بشري مرستو او خوراکي توکو ته اړتیا لري. د سرچینې په خبره دوی په بېړنۍ توګه د شاوخوا ۲۰۰ میلیونه ډالره مرستې غوښتنه کړې ده خو تر دې دمه یې په تدارک بریالي شوي نه دي. دغه اداره وایي چې دمګړی په افغانستان کې د ملګرو ملتونو بشري مرستې په بې مخینې توګه کمې شوې دي چې ښايي د بشري ناورین د پراختیا سبب شي. ملګري ملتونه دغه راز وايي چې په افغانستان کې شاوخوا ۳۳ سلنه وګړي غذايي مصونیت نه لري او په درې وخته ډوډۍ پورې حیران دي.
Leave a Reply