باغي ټي وي رپورټ
د کشمیري مسلمانانو لپاره د هند نه آزادي غوښتونکې او د کشمیریانو لپاره آواز اوچتونکي سید علي ګیلانې ددې فاني دنیا نه سترګې پټې کړي دي.
وزیراعظم عمران خان د سید علي ګیلاني په مړینه د غم څرګندونه کړې او په ملک کښې د یوې ورځې لپاره د سرکاري ماتم اعلان کړې، وزیراعظم عمران خان ویلي چې د آزادۍ لپاره ددې انسان د مړینې په غم کښې به د پاکستان بیرغ هم ښکته وي.
داسې رپورټونه راغلي چې د هند حکومت د خدای بخښلي ګیلاني په خاندان زور ور اچوی چې ګیلاني زر خاورو ته اوسپاري. هند فوځیان میډیا ته هم اجازت نه ورکوي چې د ګیلاني د جنازې کوریج وکړي. داسې خبرونه هم خپاره شوي چې په مقبوضه کشمیر کښې د هند فوځ ګرځبندیز لګولې دې.
هغه د ۹۲ دونوي کالو عمر کښې وفات شو.
Leave a Reply