ذ،م ویلي چې رسنۍ دې د پخواني قانون لۀ مخې فعالیتونو ته دوام ورکړي 

ذ،م ویلي چې رسنۍ دې د پخواني قانون لۀ مخې فعالیتونو ته دوام ورکړي 

د افغانستان نوی حکومت وایي د پخواني حکومت د رسنیو قانون ستونزه نه لري او رسنۍ د همدې قانون پر بنسټ فعالیتونو ته ادامه ورکولی شي. د ا.ا مرکزي ویاند ذبیح الله مجاهد نن په یوه غونډه کې د خبرو پر مهال وویل، چې د رسنیو په اړه د پخواني حکومت جوړ کړی قانون دوی مطالعه کړی دی او کومه ستونزه نه لري.

دده په خبره د همدې قانون پر بنسټ رسنۍ خپلو فعالیتونو ته ادامه ورکولی شي او په خبره یې دوی د خبریالانو د مصوونیت لپاره لا پراخ اقدامات ترسره کوي. مجاهد همدا راز وايي چې د رسنیو د تخطیو کمیسیون به بېرته جوړېږي او په هغه کې به د رسنیو هغه موارد څېړل کېږي چې له قانون سرغړونه ګڼل کېږي.

هغه یو ځل بیا له رسنیو او د قانون په چوکاټ کې د بیان ازادۍ د خوندیتوب ډاډ ورکړی دی.