په پنجشیر کښې جهګړه روانه ده

باغي ټي وي رپورټ
د افغانستان پنجشیر نه رارسیدلي رپورټونه وای چې دلته د امارت اسلامی جنګیالو او د احمد مسعود د مزاحمتي ګروپ جنګیالو ترمینځ په بل د حملو کولو سلسله روانه ده او دواړه اړخ نه داسې رپورټونه راغلي چې وایی دوی یو بل ته ځاني نقصان ور اړولې دې.

د طلوع نیوز یو رپورټ مطابق په طالبانو د پنجشیر طرف نه یوه حمله وشوې، په ځواب کښې ی طالبانو هم سخت حمله وکړه او مزاحمتي ګروپ ی ډیر تاوان سره مخ کړې دي.
د طالبانو د فرهنګ کمیسون یو غړي انعام الله سمنګاني وای چې د احمد مسعود ملیشې ته مو ډیر نقصان ور اړولې دې. په پنجشیر کښې ځای خلقوویلي چې جنګ بیا شروع شوې دې او ځای خلق ددې ځای نه کډه شوي دي.
د مزاحمتي ګروپ غړي وای دوی طالبان په شاه تمبولي دي او طالبانو ته ډیره مرګ ژوبله اړولې دې ولي طالبان دا ردوي او وای مزاحمتي ګروپ ته مو ډیر مرګ ژوبله اړولې ده.
فهیم دشتي چې د مزاحمتي فورس ویاند دې وای چې طالبانو سره مو د مزاحمتي فورس جنګیالو او د ملکی ځانګړي فورس اې این ایس ډي ځواک په مدد سره ډیر ځانی تاوان رسولې دې، ۴۰ طالبان وژل شوي او ۳۵ نور ټپیان شوي دې.
طالبان د ملي ځواکونو دا حمله ردوی او وایی چې په دوې صرف د احمد مسعود ملیشې حمله کړې ده او ددې حملې ځواب ی ورکړې دې. طلوع نیوز ته د طالبانو یو غړي عامرخان متقي ویلي چې د پنشجیر مزاحمتي ګروپ سره خبرې ناکامه شوي ولې طالبان وس هم غواړي چې دا خبره په امن سره او په خبرو سره هواره کړی او جنګ و نشي.