د افغانستان لپاره د روسیې ځانګړی استازی وايي چې د ترویکا لړۍ بله غونډه په کابل کې ترسره کېږي  

د افغانستان لپاره د روسیې ځانګړی استازی وايي چې د ترویکا لړۍ بله غونډه په کابل کې ترسره کېږي

ددې لړۍ نورې غونډې په مسکو او اسلام اباد کې هم ترسره شوې دي. په دې غونډو کې تر ډېره د ایران، مرکزي اسیا، پاکستان، امریکا او ځینو نورو هېوادونو استازي ګډون کوي او موخه یې دا ده چې په افغانستان کې دایمي ثبات رامنځ ته شي.

(2022 / 2 / 1   نېټه باغي ټلویزیون)

بشپړ راپور 

د افغانستان لپاره د روسیې د ولسمشر ځانګړي استازي ضمیر کابلوف په تازه څرګندونو کې ویلي، ټاکل شوې چې د افغانستان په اړه د ترویکا بله غونډه جوړه شي.

د ده په خبره دغه غونډه به د روانې میلادي میاشتې تر پای مخکې په کابل کې جوړېږي. هغه د غونډې کره نېټه نه ده روښانه کړې.

ترویکا د روسیې له لوري د افغانستان په اړه د غونډو رامنځ ته شوی فلټفارم دی چې په هغه کې ګڼ هېوادونه غړیتوب لري.

ددې لړۍ نورې غونډې په مسکو او اسلام اباد کې هم ترسره شوې دي. په دې غونډو کې تر ډېره د ایران، مرکزي اسیا، پاکستان، امریکا او ځینو نورو هېوادونو استازي ګډون کوي او موخه یې دا ده چې په افغانستان کې دایمي ثبات رامنځ ته شي.