د افغانستان نوي حکومت د ملګرو ملتونو د عمومي منشي وروستۍ ادعا رد کړې ده
د افغانستان د ا.ا مرکزي ویاند ذبیح الله مجاهد پر خپله ټوېټر پاڼه لیکلي، د ملګرو ملتونو عمومي منشي انتونیو ګوتریش ته په کار ده چې د افغانستان په اړه د مغرضو کړیو پر راپورونو تکیه و نه کړي.
(2022 / 1 / 31 نېټه باغي ټلویزیون)
بشپړ راپور
د افغانستان د ا.ا مرکزي ویاند ذبیح الله مجاهد پر خپله ټوېټر پاڼه لیکلي، د ملګرو ملتونو عمومي منشي انتونیو ګوتریش ته په کار ده چې د افغانستان په اړه د مغرضو کړیو پر راپورونو تکیه و نه کړي.
د مجاهد په خبره د ګوتریش هغه ادعا بې بنسټه ده چې ګواکي د دوی له واکمنېدو وروسته د پخواني حکومت شاوخوا سل کسه پوځیان په قصدي توګه وژل شوي دي.
مجاهد دا ادعا رد کړې او وایي، دوی عمومي عفوه اعلان کړې ده او ګوتریش ته نه ده په کار چې په ورته بې بنسټه راپورونو تکیه وکړي.
ګوتریش په یوه تازه راپور کې ویلي وو چې په افغانستان کې د نوي حکومت له واکمنېدو وروسته د تېر حکومت شاوخوا سل کسه پوځیان وژل شوي دي.
Leave a Reply