باغي ټي وي رپورټ
د افغانستان پایه تخت کابل نه رارسیدلي رپورټونه وای چې د امارت اسلامی مشرانو صلاح مشورې روانې دي او دیر زر به په دې هیواد کښې نوې حکومت اعلان شي.
د طالبانو ډلې یو مشر افغان رسنیو ته ویلي دې چې د حکومت نظامي مشر به مولانا هیبت الله اخونزاده وي. د طالبانو د فرهنګي کمیسون غړي انعام الله سمنګاني طلوع نیوز ته ویلي چې مونږ چې کوم نظام او حکومت راوړو هغه به یوه نمونه وي او د ټولو په ګټه وي.
طلوع نیوز ته د چارو شنوونکې محمد حسن حق یار وای چې شاید ددې حکومت نامه نه امارت وي ، نه جمهوریت او شاید چې ددې حکومت نوم اسلامی دولت وي.
د رپورټ ترمخې طالبانو په ټولو ولایتونو کښې والیان مقرر کړي او کار ی هم شروع کړې دې.
دلته دا خبره ضروري ده چې د پخواني سوویت یونین د وتلو نه پس هم په افغانستان کښې په نوي حکومت اختلاف رامنځ ته شوې ووچې بیا روسته په دې هیواد کښې خانه جنګي شروع شوه.
د عام خلقو، سیاسي کارپوهانو او دفاعي څیړونکو دا وینا او مشوره ده چې طالبان باید چې نوې حکومت زر اعلان کړي او ټولو افغانانو ته پکښې برخه ورکړي چې یو داسې حکومت جوړ شي چې ټولو افغانانو او نړې ته قبول وي.
Leave a Reply