سیګار ویلي چې لۀ افغانستان سره دې پر مرستو کلکه څارنه وشي

سیګار ویلي چې لۀ افغانستان سره دې پر مرستو کلکه څارنه وشي

د امریکا د مرستو دغه څارونکي په تیرو شلو کلونو کې له افغانستان سره مرستو ته په اشارې وویل، امریکا په تیرو دوو لسیزو کې په افغانستان کې شاوخوا ۱۴۶ میلیارده ډالره ولګول چې شاوخوا ۳۰ سلنه یې بیځایه یا هم غلا شول.

(2022 / 1 / 28 نېټه باغي ټلویزیون)

بشپړ راپور

د افغانستان د بیارغونې لپاره د امریکا د ځانګړي مفتش د ادارې “سیګار” مشر جان سوپکو ویلي چې په افغانستان کې د مرسته کوونکو هیوادونو د دیپلوماتیک او نظامي حضور په نشتوالي سره د بهرنیو مرستو د ضایع کیدو خطر موجود دی.

سوپکو چې د اتلانتیک شورا په یوه انلاین بحث کې خبري کولې وویل که د نړیوالو پر مرستو دقیق څار موجود نه وي دا خطر شته چې مرستې مستحقو کسانو ته له رسیدو مخکې منحرفې شي.

نوموړي د مرستو د عمده برخې د بیځایه لګیدو علت د نظارت نشتون وباله.

سوپکو د طالبانو د واکمنۍ پرمهال له افغانستان سره د مرستو په اړه وویل دا باید په یاد وي چې له یوه واړه هیواد سره ډیر ژر، زیاتې پیسې او په کم نظارت سره شوي دي.