المان: منتظر یو، کابل کې خپل سفارت بېرته پرانیزو
د المان د بهرنیو چارو وزیر هایکو ماس د سیمې هېوادونو ته تر سفر وروسته په مشروط ډول په کابل کې د خپل سفارت د پرانیستل کېدو خبره کړې ده.
(2021 / 9 / 1 نېټه باغي ټلویزیون)
د المان د بهرنیو چارو وزیر هایکو ماس د سیمې هېوادونو ته تر سفر وروسته په مشروط ډول په کابل کې د خپل سفارت د پرانیستل کېدو خبره کړې ده. نوموړي د افغانستان ګاونډیو هېوادونو ته تر سفر وروسته ویلي چې ښایي هېواد یې په مشروط ډول په کابل کې خپل سفارت بېرته پرانیزي. هغه زیاته کړې چې د دوی شرایط روښانه دي، طالبان باید بشري حقونو ته پوره درناوی وکړي، له بهرنیو ترهګرو سره اړیکې پرې کړي او د نورو هېوادونو پر ضد هیچاته د افغان خاورې د کارول کېدو اجازه ورنه کړي. نوموړی دا څرګندونې وروسته تر هغه کوي چې پر کابل د طالبانو تر کنټرول وروسته د چین او روسیې په ګډون یو شمېر نورو هېوادونو هم ویلي چې دوی د طالبانو په رسمیت پېژندلو ته بېړه نه لري او دا پرېکړه به د دغې ډلې عمل ته په کتو کوي.
Leave a Reply