امارت اسلامی ته لوی چیلنج دامریکه او نیټو ځواکونو قبضه وه: سهیل شاهین

باغي ټي وي رپورټ
دفاعی څیړونکې او ټي وي اینکر ډاکټر معید پیرزاده په دوحه قطر کښې د افغانستان اسلامی امارت سیاسي دفتر د مصالحتي خبرو یو غړي سهیل شاهین سره په خصوصي انټرویو کښې په افغانستان کښې د امارت اسلامی په کنټرول او د نوي حکوکت په باره کښې خبرې اترې او سوالونه کړي.

سهیل شاهین د یو سوال په ځواب کښې معید ته اوویل چې طالبانو ته ډیر یو لوی چیلنج په افغانستان کښې دا وو چې امریکایی او نیټو ځواکونو په افغانستان قبضه وکړه، دوی وای چې امارت اسلامی د افغان وګړو په حمایت سره کامیاب شو او نن امریکا د افغانستان نه لاړه.
نوموړی وایی چې وس وخت کښې هم طالبانو ته چیلنجونه دي خو هغه د امریکې قبضې واله چیلنج د ټولو نه لوی چیلنج وو او انشاالله په دې وس وخت چیلنجونو کښې به هم د عوامو په حمایت سره کامیابي ترلاسه کړو.
شاهین وای چې یو ولاړ، په امن او خوشحال افغانستان د ټولو ګاونډی هیوادونو په فایده کښې دې، ځکه دې وای چې په افغانستان کښې چې اقتصاد ښه وي، خوشحالي او امن وي نو دې سره به ټول ګاونډی هیوادونه هم خوشحاله او پرامن وي.
دوی وای چې افغانستان او ګاونډی هیوادونه باید یو اقتصادي زنځیر او یوه رابطه جوړه کړي او دا کار به د ټولې خطې په ګټه کښې وي.