چیني او هندي چارواکو طالبانو سره کتلي دي

چیني او هندي چارواکو طالبانو سره کتلي دي

هندي او چیني دیپلوماتانو په قطر کې له طالب چارواکو سره کتلي دي.

(2021 / 9 / 1 نېټه باغي ټلویزیون)

په قطر کې  چیني او هندي دیپلوماتانو له طالب چارواکو سره کتلي، د طالبانو دقطر دفتر ویاند نعیم وردګ ویلي چې د طالبانو د قطر دفتر مشر شیرمحمد عباس ستانکزي په قطر کې د چین له سفیر سره کتلي، په دغې لیدنه کې په دوه اړخیزو همکاریو او راتلونکي حکومت بحث شوی، ښاغلی نعیم ویلي چې د چین سفیر ډاډ ورکړی چې طالبانو سره به مرستې کوي.

بلخوا طالبانو په قطر کې د هند سفیر سره هم کتلي او هغه ته یې ډاډ ورکړی چې افغانستان کې د دوی مېشتو وګړو ته به هېڅ نوع زیان نه رسېږي او راتلونکي کې به د افغانستان خاوره د هېڅ بهرني هېواد په ضد نه کارول کېږي.